സംസ്ഥാനത്ത് കൊവിഡ് വ്യാപന പശ്ചാത്തലത്തിൽ സമ്പൂർണ്ണ ലോക്ക് ഡൗൺ മെയ് 30 വരെ നീട്ടി. സംസ്ഥാനത്തെ ആകെ കോവിഡ് രോഗികളുടെ എണ്ണം വലിയതോതിൽ കുറയാത്ത പശ്ചാത്തലത്തിലാണ് ലോക്ക്ഡൗൺ നീട്ടുന്നത് എന്ന് മുഖ്യമന്ത്രി പിണറായി വിജയൻ വാർത്താസമ്മേളനത്തിൽ അറിയിച്ചു. അതേസമയം തിരുവനന്തപുരം, തൃശൂർ, എറണാകുളം ജില്ലകളിലെ ട്രിപ്പിൾ ലോക്ക് ഡൗൺ അവസാനിച്ചതായി മുഖ്യമന്ത്രി വ്യക്തമാക്കി. ഈ ജില്ലകളിലെ ആകെ ടെസ്റ്റ് പോസിറ്റിവിറ്റി നിരക്ക് കുറഞ്ഞ പശ്ചാത്തലത്തിലാണ് ട്രിപ്പിൾ ലോക്ക് ഡൗൺ ഒഴിവാക്കിയത്. എന്നാൽ ഈ ജില്ലകളിൽ സാധാരണഗതിയിലുള്ള സമ്പൂർണ ലോക്ഡൗൺ തുടരും. അതേസമയം കൊവിഡ് ടെസ്റ്റ് പോസിറ്റിവിറ്റി കുറയാത്തത് മൂലം മലപ്പുറത്ത് ട്രിപ്പിൾ ലോക്ക് ഡൗൺ തന്നെ തുടരുമെന്ന് മുഖ്യമന്ത്രി വാർത്താ സമ്മേളനത്തിൽ അറിയിച്ചു.
COMMENTS